بقلم/حمادة الجندي
يا كل أب و كل أم
فاكرين جوازهم تجربة
خلاص مفيش
احساس و دم
عيشة ولادكم مرعبة
فاكر في جامعة حضرتك
تمشي تظيط وسط البنات
عامللي رميو و سكتك
مليانة عك و فيس وشات
داير تلف و نظرتك
للست حبة مكياجات
شيل الغشاوة اللي فـ عنيك
صدقني انا خايف عليك
بيتك هيتهد في ثواني
وساعتها تركن صف تاني
ام العيال كبرت معاك
ع الحلوة والمرة وراك
فبلاش جنان ركز يا بيه
العند آخره سكك هلاك
والحاجة ناصحة
الست هانم
في البيت تملى
راجل وفاهم
تصرخ تعلي حسها
بالكلمة سابقة بعلها
وصوتها زي وابور زلط
وماعدش ناعم
في البيت دكر
فـ شغلها تصبح يمامة
لو جوزها يطلب منها
تقوم القيامة
وتقولوا كات شورتك هباب
جوز الندامة
و مضيعة هيبة راجلها
حتى قدام العيال
و تعلى صوتها و تحرجه
بكلام وبال
و إن على صوته فـ مرة
تنصب محكمة
وتجيب أبوها و أمها
و أخواتها و ولاد عمها
و تقول تلاقي شايفله شوفة
انا عارفة أصله وعارفة جوفه
يا ست بيتك بنخرب
وابنك على وشك الهرب
طالبة الطلاق ليه اعقلى
جوزك هيتجوز ويعيش
وانتى اللي هتربي العيال تتبهدلي
يا ناس ياهوه كتر الطلاق
ليه نختلف ونحل مشاكلنا بفراق
حلو المشاكل بينكم بس
و من سكات
حافظوا على ولادكم
وبالذات البنات
حافظوا على ولادكم
وبالذات البنات
