حوار هاجر عبد العليم
في رحلةٍ استثنائية تجمع بين ريشة الفنانة وعلم أخصائية التغذية، استطاعت ياسمين نبيل لقمة، البالغة من العمر 28 عامًا، أن تصنع لنفسها طريقًا مختلفًا، لا تحدّه دراسة أكاديمية ولا توقفه صعوبات البدايات. تخرجت في كلية الزراعة بجامعة طنطا، وحصلت على ماجستير التغذية العلاجية من جامعة القاهرة، بالتوازي مع شغف قديم بالفن والرسم والخط العربي، تحول بمرور السنوات إلى مشروع خاص يحمل اسم La Rose، لتترجم من خلاله أفكارها إلى لوحات فنية وتصميمات مرسومة يدويًا على الملابس والأقمشة ومختلف الخامات.
لم تكن رحلتها مفروشة بالورود؛ فقد واجهت تحديات عديدة، بدءًا من عدم اقتناع المحيطين بها في البداية بإمكانية تحويل موهبتها إلى مشروع ناجح، وصولًا إلى محاولاتها المستمرة لتطوير أدواتها وإثبات قدراتها. لكنها آمنت بأن النجاح يحتاج إلى الصبر والتعلم والسعي، فجمعت بين العلم والفن، وحققت خطوات مهمة في المجالين، لتصبح تجربتها نموذجًا ملهمًا لشابة لم تتخلَّ عن حلمها، بل سعت إلى تحقيقه بطريقتها الخاصة.
وفي هذا الحوار، تكشف ياسمين عن بدايات عشقها للرسم، وكواليس تأسيس علامتها التجارية، وأبرز الصعوبات التي واجهتها، ورحلتها في دراسة التغذية العلاجية، وطموحاتها المستقبلية في عالم تصميم الأزياء.
كلميني عن حبك للفن ؟
حبى للفن ابتدأ منذ صغرى وكانت والدتى مهتمه بتعليمنا القراءه منذ الصغر فكانت حريصة علي احضار مجلات ميكى وماجد كانت دايما تشد عينى من صغرى الرسوم المتحركه كنت بتابع فى عده صفحات فساتين للاطفال احاول ارسم فساتين دى كان رسم مازال بسيط مع مراحل سنينى وانا صغيره فى اعدادى الرسم مكنش بيضاف للمجموع ولكن رسمت رسمه مدرسه اتريقت عليها فقررت اروح درس رسم عند مدرسه تانيه كانت شايفه ان موهوبه وايدى يجى منها وقالتلى فى يوم هتبقى فنانه كبيره كنت بحبها وحبيت الرسم اكتر بسببها فى ثانوى كنت بحب جدا رسومات الاحياء كنت برسمها بشكل دقيق مدرسين كانوا شايفين ان مكانى فى فنون جميله بس فى ثانويه عامه ربنا كان مقدرلى طريق جديد ملحقتش فنون جميله دخلت كليه زراعه بس طول الوقت حاسه ان مش لاقيه نفسى حاسه ان فى حاجه ناقصه انقطعت عن رسم لحد ٣ كليه فى يوم لقيت فيديو ع اليوتيوب حسيت باشاره كبيره وصوت جوايا بيقولى دا الى كان ناقصك ارسمى بقيت ليل نهار برسم وقررت ان مره دى هرسم على كل شىء قابل الرسم مش بس ورقه وقلم فى الوقت دا كانت بدايتى صديقه ليا اقترحت عليا انها فى دبلومه الخط العربى ان اقدم فيها معاها واتعلمه مع الرسم وبالفعل قدمت ع دبلومه الخط العربى ٤ سنين اتعلمت انواع من الخطوط العربيه النسخ والرقعه والديوانى والفارسى والثلث والثلث الجلى والفارسى الجلى والزخرفه الخط المفضل لى الخط الديوانى نظرا لجماله ولأنه معروف خط الملوك فى العصر العثمانى ومميز وبالفعل اشتغلت بيه عملت جوابات زمان هاندميد بعت اكثر م ٥٠٠٠ جواب على مستوى المحافظات بدأت بعد الكليه اجهز اعمل براند ليا واتعلمت من اليوتيوب رسم على القماش ابتديت بابسط الخامات فى الاول
ماهي الصعوبات التي واجهتيها؟
وجهت صعوبات لان اهلى كانوا معترضين شايفين انها مجرد هوايه نظرا لانهم كلهم مجالات علميه فكانوا شايفين من الافضل ان اكمل فى المجال العلمى بس انا كان عندى نظره تانيه استمر ضغط ان محدش هيساعدنى اكمل فى رسم بقيت احوش لكل فرشه ولون واشتغلت فى مجالات اخرى لتوفير افضل الخامات لتعلم الرسم ورسمت على الهدوم ومصممين واصحاب مصانع عجبهم رسمى كانوا بيبعتولى شيميزات وبلوزات وتربون وارسم عليهم وقررت اعمل براند خاصه بيا اسمها “La Rose”قررت انها تبقى مميزه تجمع كل شغل ورسم الهاند ميد على الملابس وتوال وتابلوهات علر الجدران وعلى الاثاث وكل شىء قابل للرسم والخطوط العربيه والجوابات أهلى استغربوا اصرارى ان كملت ظنا انها كانت مجرد هوايه وفتره وهزهق مش هقدر لوحدى بس رسم بالنسبه لى اقرب صاحب ليا وعالمى الخاص قدمت فى معارض فى القاهره واتعرفت على فنانين كتير وعرفت ان فى تقديم لدراسه ف فنون جميله الزمالك لدراسات حره والدتى بعد اعتراض فى الاول اصبحت مؤمنه بموهبتى وانى اثبت جدارتى فحبت تكافئنى وساعدتنى اقدم لدراسه كنت عايزه اتعلم على يد دكتور مراد درويش قدمت فى قسم التصوير وعرفت انواع الالوان المختلفه وحصلت على شهاده دراسات الحره من فنون جميله ف والدتى اقترحت عليا ان ممكن اكمل رسم مع ان اكمل دراستى فى مجالى وان اقدر اوفق فقدمت على ماجستير تغذيه علاجيه جامعه القاهره كانت دراسه ممتازه ساعدتنى وربطت الرسم بمشروع رساله اختارت عن التغذيه وعلاقتها بالاكتئاب نظرا لان مرض منتشر جدا كنت عايزه ابحث عن مرض دا وهل تغذيه غير صحيه ممكن تسبب فعلا اكتئاب وتوجهت لهذا المرض كان فنانى المفضل هو فان جوخ وكان يعانى من الاكتئاب الحاد فكنت عايزه اعرف كل تفاصيل المرض واشهر لوحاته كانت بلون الاصفر الفاقع نظرا لان دكتور بول جوشيه بيعالجه بعشبه قفاز الثعلب وهو بيسبب ان رؤيه تكون اصفر فاقع ف بالفعل كل لوحاته طاغى عليها لون الاصفر لانه كان فنان عبقرى قدر يستخدم الاثار الجانبيه للعلاج المسبب رؤيه باللون الاصفر الفاقع يحوله الى لوحات عالميه مميزه بالفعل حصلت على تقدير امتياز فى رساله الماجستير بفضل الله حبيت تغذيه جدا ونزلت تدريب فى مستشفى الناس ولقيت لوحات كتير لفنانين متطوعين اتعلمت كتير من مستشفى الناس على المستوى الانسانى والفنى والمهنى ورسمت لوحه ونالت اعجاب مديره التسويق لمستشفى الناس وكل الحاضرين وطلبوا منى لوحه أخري
هل حققتي أهدافك ؟
بالنسبه لي أنا حققت جزء كبير من اهدافى خطه ربنا ليا كانت جميله جدا برغم الصعوبات التى قابلتنى الا انها كونت شخصيتى ربنا كان بيجهزنى فى كل مرحله عشان اوصل لحلمى رحله الماجستير ودبلومه الخط العربى وامتحانتهم فى وقت واحد كانت مهمه صعبه جدا بس كنت عارفه ان بفضل الله هكون قدها وحصلت السنه دى على الماجستير ودبلومه الخط العربى معا حلمى ان يكون لى علم ينتفع به اساعد الى حواليا وشغلى دايما يكون ليه بصمه واثر
كيف تغلبتي ع الصعوبات ؟
واجهت صعوبات كتيره
وتغلبت على الصعوبات بان نظرتى لنفسى ان القاع مش مكانى وان الى بيصدق فى نفسه الدنيا بتصدقه انا بحب جدا ادخل واتعلم فى مجالات مختلفه بحب اتعلم كل شىء قابل لتعلم بحب التعلم والصبر عليه الحاجات التى ساعدتنى فى شخصيتى ان مش بستعجل النجاح وعارفه ان الفشل جزء من طريق النجاح دايما بحاول بالامكانيات المتاحه والى فى ايدى م علينا الا السعى والنتيجه بتاعت ربنا
ما الذي يميزك عن غيرك ؟
اهم مايميزنى عن غيرى تنوعى فى مجالات مختلفه حتى فى الرسم بحب التجديد دائما والاختلاف والبصمه المختلفه كل اوردر بعمله بيكون لصاحب شخص واحد فقط مبكررهوش الحمدلله مبسوطه ان قدرت احقق حلمى من براند صغير بيتباع فى اماكن مجاوره ليا اشتغلت على البراند كتير و نزلت بازارات كتير وشغلى نال اعجاب بيطلب فى انحاء مصر وخارج مصر جالى اوردرات لتونس واسبانيا والبرتغال بفضل الله
ماذا عن دراستك في مجال التغذية العلاجية كلميني عنها؟
دراستى فى مجال التغذية العلاجية جامعه القاهره كانت من امتع واصعب الخطوات التى حصلت عليها الا انها شكلتنى على المستوى الشخصى والانسانى أثقلتنى بمعلومات مفيده عن الامراض وعلاجها بالتغذيه وتغذيه الحوامل والرضع وكبار السن مرضى السكر والسرطان وغيرها التغذيه مهمه جدا فرقت فى حياتى شخصيه انا دايما كنت بتمرن لرياضه بس مكنتش مهتمه بتغذيه اوى عرفت احافظ على تقديم لنفسى ولاسرتى تغذيه سليمه وبشتغل على نفسى مثل ما اثبت نفسى فى الرسم اكون اخصائيه تغذيه شاطره من خلال التدريب المكثف واساعد غيرى وبتقديم معلومات صحيه والمتابعه مع الحالات.
ماهي اهم النصائح التي ممكن تقديمها للناس عن مجال التغذية العلاجية ؟
النصائح التي اقدمها للناس تغذيه الصحيه امانه لصحتك النفسيه والجسديه جسدك امانه حافظ عليها الرياضه والاكل الصحى والمحافظه على نفسك من الامراض امانه وان تغذيه غير صحيه وعادات الغذائيه السيئه تسبب الكثير من الامراض اشهرها السمنه والاكتئاب اختيارتك الغذائيه اليوميه رساله بيولوجيه للاجيال القادمه لان الغذاء لايغير شريط DNA نفسه بل يغير طريقه تعبير الجينات (تشغيلها او ايقافها)يعنى ممكن تكون سبب انك تورثها.
لمن توجه الشكر ؟
كل خطواتى فى الرسم ونجاحى فى براند خطوه كانت سعى لحلم اكبر ان احقق حلمى اكون مصممه ازياء واعمل فساتين الى بصممها مميزه وبالفعل عملت على ارض الواقع فستانين من تصميمى اتمنى اكون مصممه ازياء مميزه زى م كنت فنانه مختلفه وبجانب ان اكون أخصائية تغذيه ناجحه واقدر اربط بين التغذيه وعالم الموضه .
من هو مثلك الأعلي ؟
مثلى الاعلى هى أمى برغم من كونها صيدلانيه ممتازه ومحبه لمساعده الاخرين وتقديم النصائح الطبيه كانت مميزه وانيقه جدا وكانت دايما شيك فى لبسها وهى الى شدتنى من صغرى لعالم الموضه كان دايما عندها مجلات Burda ومهتم بالازياء وفساتينها مميزه بتشجعنى اكمل تصميم فساتين وانفذها بالاضافه لتكمله فى المجال العلمى لنظرتها في اني اثبتلها ان اقدر اكون فنانه قدرت اثبت جدارتى فى المجال العلمى.
