البوابة اليوم/ داليا راشد
بعد تداول أنباء عن تصريح ل تامر أباظة مستشار رئيس مجلس الغرفة التجارية لقطاع الدواجن بـدمياط: (هناك مقترح بإضافة 50 كتكوت لكل مواطن على البطاقات التموينية)
وعمرو مدكور مستشار وزير التموين: “الوزارة لم تتلق مقترحات بهذا الشأن”.
فما صحة هذه الأنباء؟
وأثار التصريح سخرية كبيرة من رواد مواقع التواصل الإجتماعي اللذين قاموا بالتعليق علي التصريح بسخرية قائلين:
“المشكله مش في الكتاكيت المشكله ف العلف اللي غالي ده هنأكل إزاى لو الكتاكيت تنفع تتاكل كنا ذبحناهم وخلصنا يارب الصبر”
“هو المسئول لقى الناس مكتئبة قال أضحكهم شويه!”
“هو إحنا لاقيين نأكل نفسنا لما نأكل كتاكيت ده كيلو العلف ب 25 جنيه غير التدفئة بتاعتهم.. أنا نفسي أعرف اللي بيقترحوا الإقتراحات دي أقنعوا نفسهم إزاي بيها أصلًا ولا أرمي المصيبة في عب غيري وهو يشيل”
“وهو المواطن عارف ياكل لما يأكل كتاكيت؟!! يبقى تصرف أكلهم كمان على البطاقة”
“طيب و ماله حاضر اللي عنده سطح يعمل عشة و يربيهم فيها ماشى و اللي معندووش يجرى وراهم في الشارع و حلق يا جدع يعنى ولا إيه ولا يحطهم في الأوضة مع العيال صبرنى يا رب للدرجه دى الإستخفاف”
“كل لما أفكر أسيب البلد وأمشي ينزل عرض يخليني أتمسك بيها أكتر”
“عندهم كتاكيت من غير مأوي خايفين عليهم من البرد أسرح العيال في الشارع وأربي الكتاكيت بدالهم”
“حنأكلهم معانا ولقمة هنية تكفى مية”
“أنا بخاف من الكتاكيت ينفع أبدل بعصافير عندي قفص فاضي”
“إحنا لو معانا حق العلف كنا إشترينا بيه فراخ شراء الفراخ ولا تربيتها”
