المزيد

ليه بنخاف ؟

البوابة اليوم

كلمات الشاعر/ حمادة الجندي

 

ليه بنخاف من كلمة حق

فـ وقت الجد ما بنقولهاش

ليه في الشدة الكل بيهرب

أدنى مساعدة ماقدمهاش

وقت الفرح الكل معانا

و وقت الجرح ما يستناش

وأما نسينا إيلامهم لينا

كأن ما حدش منهم شاف

 

ليه بنخاف ؟ ليه بنخاف ؟

 

ليه بنخاف على منصب لينا

ننسى أحبابنا و كل ما لينا

حتى أرايبنا و أهالينا

وناس أفضالهم ياما علينا

وإزاي نأسى أوام أوننسى

ونسبهم عايشين في كفاف

 

ليه بنخاف ؟ ليه بنخاف ؟

 

ليه بخاف من بكرة وبعده

ولسه زماننا مازال على عهده

هنشوف م المستقبل شهده

زي ما هندوق مره وعنده

لسه الدنيا جميلة وأجمل

لو عشناها بدون ما نخاف

 

ليه بنخاف ؟ ليه بنخاف ؟

 

ليه بنخاف والحزن مالينا

يبقى تملي عايش جوانا

يمنع فرح يخش القلب

أما الجرح يعيش ويانا

وأما الحزن علينا يهون

يترد لنا الحزن إهانة

حلمنا صعب عليه يتحقق

حتى الصدق ما عاد يتصدق

ولاّ الكدب تملي بيصدق

بس غلافه يدوب شفاف

 

ليه بنخاف ؟ ليه بنخاف ؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى