حوار هاجر عبدالعليم
ملكة جمال روح البحر المتوسط دنيا هاني بنت محافظة الإسكندرية تبلغ من العمر ٢٢ عاما تدرس في كليه الحقوق ،عكس هواياتها فهي منذ صغرها محبة للموضة والازياء ،وكانت دائما ماتسعي وراء حلمها، ومع الإرادة والإصرار والعزيمة والاجتهاد، سارت تجاه حلمها وأقبلت علي مسابقة ملكة جمال البحر المتوسط وعلي الرغم من خوفها الا أنها تجاوزت الصعوبات والتحديات لتحصل علي اللقب عن جدارة ،وحصلت علي أول لقب miss Mediterranean soul 2021
,وبعدها حصلت علي لقب ملكة جمال روح البحر المتوسط، ومازالت لديها أحلام وأهداف تسعي لتحقيقها ولهذا كان لنا معها حوار خاص وممتع في هذا السياق لمعرفة كافة التفاصيل
ماذا عن حصولك لقب ملكة جمال روح البحر المتوسط لسنه 2021؟
كوبي اني اصبحت ملكه جمال روح البحر المتوسط miss Mediterranean soul 2021 كان تحفيز لي اني اكمل واسعي رغم الصعوبات فهذا جعلني افكر في استغلال اللقب في حاجه مفيده واني ابقي ملكه جمال مش شكلا فقط و موضعا كمان واستغل ان بقي في عدد بيتابعني من البنات ف اني اوجههم للحاجه اللي اقدر افيدهم بيها
ماهي الشروط التي تم أختيارك عليها ؟
طبعا الشروط او المعايير اللي بيتم الأختيار عليها هي الطول والوزن والدراسه اننا نكون مؤهل عالي وغير ان يكون عندنا مشروع خدمي يخدم المجتمع والسن معيار اساسي في المسابقه
لماذا كان لديكي اهتمام بالتقديم في مسابقة ملكة جمال البحر المتوسط؟
اهتميت بدخولي للمسابقه لسببين اني محبه الفاشون و الموضه ده السبب الاول والسبب التاني حبي للعمل الخيري والتطوعي ،و منذ صغري وانا اعشق الفاشون فكانت هوايتي المفضله اني افضل اعرض كل الملابس التي برتديها أمام المرايا، فلما كبرت ووجدت أني ممكن أخوض التجربة لم أتردد ،و فعلا ووجدت نفسي لا أمل أو أضجر بالعكس حبيت أطور من نفسي وفكرت أكون بلوجر بحيث يكون لدي محتوي افيد بيه
ماهي أهم أهدافك وطموحاتك؟
أهدافي مختلفه أنا أحب أحصل علي كورسات hr لكي اشتغل بكليتي
ومن طموحي أيضا اني افيد المجتمع وخاصه كل بنت بالتجربه اللي خوضتها واتعلمت منها كتير واقدر اكون مثل كويس ليهم قدرت ادخل مجال الفاشون واصبحت عارضه ازياء بالمحافظه علي حجابي وده سر جمالي ده غير اني هكمل مشواري لحد ما اكون ضمن عارضات الازياء الدوليين
ماهي أهم الصعوبات التى واجهتها؟
الصعوبات التى واجهتها في المسابقه كان أول يوم الانترفيو كان توتر رهيب والحمدلله اتقبلت تاني يوم لما كانوا بيختارو مننا اللي يكمل وده.كان الاوديشن كان لحظه صعبه حتي كلنا كنا في انهيار لان احنا كلنا كنا اخوات بجد في لحظه أن حد قريب مننا اوي مش هيكمل كانت لحظه صعبه بعد ذلك الحمدلله كل حاجه صعبه عدت بمجهودي و طبعا زملائي و مستر أحمد و دكتور سميره أيضا كانو من الناس اللي دعموني كويس جدا وعدوا معانا كل الصعب
بم تنصحي الشباب ؟
نصحيتي للشبات الذين في مختلف الأعمار في الوقت هذا لازم نستغل وقتنا كويس جدا في هواية نحبها وممكن نطورها وتشتغل عليها بحيث نكون أحسن أو نشارك في عمل خيري حتي لو بسيط لان هذا بينمي بداخلنا حب وعطاء وكل هذا اتعلمته في المسابقه وهو كيف أكون يد داعمه لكل محتاج حتي لو دعم معنوي و تاني حاجه لازم نحب نفسنا ونحب الخير لغيرنا واي حد عنده حلم بتمسك بيه النجاح صعب صعب جدا ومحتاج مجهود وعلي قد المجهود هذا ربنا بيكرمنا وربنا يكرم الكل ونصيحه للذين حابين يشتركوا في المسابقه سيزون الرابع بجد خوضوا التجربه ،لان التجربه فعلا ممتعه جدا وبتعلمكوا حاجات كتير وأيضا لقب كملكه الجمال بيرجع لجمالك انتي الشخصي وطيبتك واصلك الكويس وبنات اسكندريه ومصر كلها ملكات جمال مشاء الله بالتوفيق للجميع
لمن توجه الشكر؟
اوجهه شكري طبعا الاول للدكتوره سميره صلاح رئيس مسابقه ملكات جمال البحر المتوسط اكتر شخص دعمني واكتر شخص أعطاني الثقه وعلمني كيف اقف أمام الكاميرا من غير خوف وكيف اجعل الفاشون شو لدي يتحدث وأشكر أيضا مستر أحمد خالد المدير التنفيذي لمسابقه ملكات جمال البحر المتوسط كان اخ ليا و لكل البنات
مبسوطه اني كنت معاهم في المسابقه
ومثلي الاعلي في حياتي بشكل عام هي والدتي ربنا يخليهالي يارب انا من غيرها ولاشئ وكل نجاح وصلت ليه كان بفضل دعواتها
