الحب من أسمي وأرقي العلاقات الإنسانية ، خاصهً لو كانت علاقة الحب بين الطرفين مبنية علي الاحترام والمودة ، والحب من النعم اللي ربنا أنعم بيها علينا، والمفروض نحافظ علي النعمة دي ، لأن من الصعب
أننا نلاقي حب صادق وحقيقي في الزمن ده !
واللي له حبيب في الزمن ده فيحافظ عليه
الحب له أشكال مختلفة وله مُسميات كتير أوي منها:-
– الحب في الله
– الحب الحميد
– الحب الذميم اللي مبني ع الشهوة
– حب المصلحة .. إلخ
الإنسان مبيقدرش يعيش من غير حب وبيبقي محتاج شخص يكون جنبه يحس معاه بالأمان، وكل واحد فينا بيفضل يدرو علي نصه التاني اللي يكمل مع طريق حياته ويكلمه الأتنين بعض
والحب مش عيب ولا حرام بس الاختيار يكون صح ومناسب
بمعني ؟
يكون حب حقيقي يعني مش زي بتاع اليومين دول ..!
الحب الحقيقي بيكون عبارة مشاعر إنسانية طاهرة ورقيقة بتدخل القلب والروح قبل الجسد الغريزي .
– بس هل يعني أن الحب الحقيقي حب خالي من أي شهوة للجسد ..؟!
= طبعاً لأ، لأن الشهوة حاجة فطرية منقدرش نتحكم فيها
بس نقدر نخلي مشاعرنا تكون حقيقية ونابعة من القلب مش مُجرد كلمات غزل وعزام لإرضاء رغبات الشهوة بس
طيب بالنسبة للناس اللي هتفم الشهوة غلط في الحب الحقيقي
الشهوة المُرتبطة بالحب الحقيقي مش بتبقي موجودة غير في العلاقة الشرعية المُحللة فقط .. والحبيب الحقيقي اللي يصون حبيبته ويخاف عليها من نفسه قبل النظرات والكلمات
_ طيب أنا أعرف منين أن الحب ده حقيقي أو لأ ؟🤔
1_الراحة النفسية
الحبيب الحقيقي ده اللي بتارتاحي معاه ، عفويتك وتلقائيتك معاه من غير أي تصنع والتصنع في حد ذاته كارثه لو بدأ في أول العلاقة هيدمر العلاقة فيما بعد لأنه مش هيستمر معاكي للآخر
وأنك تُصارحيه بمشاعرك بأخطائيك بأحدات حياتك المهمة وعارف أنه هيفهمك وهيسامحك ومش هيحاسبك حساب عسير لو اخطأت زي مثلاً
أنه يبعد عنك علشان ده الحل أو يتكلم عليك مع فلان وعلان .. إلخ
هنا بقي ميبقاش إسمه حب حقيقي ..!
2_لو شعرت بالثقة تجاهه
لو لقيت شخص واثق فيه وفـ آرائه في اي شئ أعرف أنه مش هيضيعك وأنه مش هيقولك كلمة إلا إذا كانت في مصلحتك
3_ علي استعداد ليواجه معك صعوبات الحياة
مهما كان حجم الصعوبات وبيحاول هو بإصرار ومثابرة أنه يواجه معك تلك الصعوبات فتأكد أنك وجدت حبيبك الحقيقي
4_ الحبيب الحقيقي يُنصت إليك بإهتمام دون ملل
أو لقيت حبيب بيسمع لك في كل مره بإهتمام زي أول مرة، وبيساعدك في اتخاذ قراراتك المصيرية، يدعمك لتكون أفضل علي كافة المستويات كالتقدم المنهي والدراسي والسلوكيات والعلاقات الإجتماعية وحتي مظهرك الشكلي ودعم الثقة بنفسك، فهنيئاً لك بحبيب حقيقي صادق.
5_ الحب الحقيقي أن تجد من يشاركك تفاصيل حياتك
يشارك كل حالاتك سوا لحظات حلوة أو مُرة ، سعيدة أو حزينة، هتلاقي حبيبك الحقيقي هو اللي واقف جنبك وشايل معاك هموم الحياة الثقيلة.
هو اللي حاسس بجزعك وخوفك ، فشلك ونجاحك، لحظاتك الإيجابية والسلبية مهما كنت تشعر ، وهيفضل جنبك بيسعي لدعمك ومُساندتك وبث الروح الإيجابية بداخلك علشان يجذبك من دائرة الظلام إلي النور.
وإن لم يفعل ذلك ما كان حبيباً حقيقياً .
وغير ذلك حبيبك الحقيقي يسعي لمُشاركتك اهتماماتك، هواياتك، أحلامكما المُشتركة
6_التضحية
الحب الحقيقي هو البذل بدون مُقابل، والتضحية هنا أن الشريك يُقدم التضحيات لإسعاد حبيبه، والتضحية من طرف واحد دون الآخر ليست تضحية وانما استغلال وقلة تقدير وكده يقلل من استمرار علاقة حب حقيقية طاهرة
7_الحب الحقيقي هو رد غيبة الحبيب
فالحب الحقيقي أن ترد السوء عن حبيبك إن حدث وأساء إليه أحدهم أو أساء فهمه خاصةً وإن كان هذا الشخص ذو معزّة وقيمة كبيرة عند الحبيب، وذلك حتى وإن افترقتم فالحب الحقيقي يعكسه احترام النهايات وليس انجذاب البدايات.
8_الغفران
أن يغفر كُل منكما للآخر أخطائه ويُدرك أن لكل إنسان أخطاء فلسنا ملائكة، وأن تحفظ لحبيبك كل جميل في قلبك مهما بدر منه أو كان بُعد الفراق أو المسافات.
9_دعوة صادقة
فالحبيب الحقيقي يذكرك في دعائه دومًا بظهر الغيب، يتمنى لك كل خير ويحرسك بدعائه من كل شر بدون ملل أو نسيان مهما كان بينكما بُعد أو فراق. فهو لا يحمل في قلبه ضغينة إلى الطرف الآخر حتى وإن فارقه أو لم يجد منه مشاعر مُتبادلة، فقط يتمنى له السعادة ولو مع غيره ولا يحمل له في قلبه إلا كل حسن وجميل.
#وأخيراً
لا تُرهقوا أنفسكم وقلوبكم في البحث عن الحب الحقيقي، فهو ليس كإبرة عليكم الحصول عليها وسط كومة من القش، وإنما هو جوهرة تلمع في حياة سعيدي الحظ دون سابق بحث أو استئذان. فإن وجدتموه فهنيئًا لكم، وإن لم تجدوه فأعلموا أن الدخول في علاقات حب غير مُتكافئة أو مضمونة العواقب لن يُخلّف وراءه إلا قلوبًا وأرواحًا نازفة.
وكما قال جبران خليل جبران: “إن الإنسان لا يموت دفعة واحدة، وإنما يموت بطريقة الأجزاء، كلما رحل صديق مات جزء، وكلما غادرنا حبيب مات جزء، وكلما قُتل حلم من أحلامنا مات جزء، فيأتي الموت الأكبر ليجد كل الأجزاء ميتة فيحملها ويرحل”
فلا تصلوا بأنفسكم إلى هذه المرحلة
#الحب_الحقيقي💜
#الكاتبة_الصحفية_إسراء_السُكري
