بقلم دكتور هاني البوصي
قبل ما أتكلم وأنادى نفسى أقول الكلمتين
مهما أسافر مهما أبعد مهما أمشى لحد فين
لازم أرجع مصر وطنى اللى عايش فيه سنين
واللى نيلها منه شارب واللى ناسها طيبين
واللى فيها الحضارة ع الشمال وع اليمين
اللى فيها القلب الأبيض والخضار فوق ع الجبين
هي أصلى وهى فصلى والتاريخ يحلف يمين
مصرنا مصر العروبة رافعه راسنا فى كل حين
أرض ابنى وابن أخويا مصر قبط ومسلمين
مصر فرحه ونور وزينه مصر دمعه وليل حزين
أهدى روحي ودمى ليها ضد كل المعتدين
هى أمى وهى أبويا والجدود طول السنين
