كلمات/حمادة الجندي
عزيزي الجنيه . عزيزي الدولار
شايفكم فـ أزمة و عاملين حوار
في يوم علوا فايدة لناس نارها قايدة
وعايزين يخلو جنيهم دينار
عزيزي الجنيه عزيزي الدولار
شايفكم فـ أزمة و عاملين حوار
شعوبكم هتطفش لأرض الخليج
تمون بطونها من الصهاريج
هتاكل وتشرب و تملى السولار
وتهتف يعيش الريال و الدينار
عزيزي الجنيه عزيزي الدولار
شايفكم فـ أزمة و عاملين حوار
سؤالي لسيادتك جناب الدولار
معاليك حبيبنا و مالنا اختيار
فخليك حُنين شوية علينا
معدناش هنقدر نجيب الخضار
عزيزي الجنيه عزيزي الدولار
شايفكم فـ أزمة و عاملين حوار.
و شوف يا حبيبي يا عم الجنيه
تاريخك مشرف ، معلم عليه
كفاية ياصاحبي قوم انهض وقوم
و ناسك في ضهرك ونسرك شعار
عزيزي الجنيه عزيزي الدولار
شايفكم فـ أزمة و عاملين حوار
