مقال

علشان بحبك

البوابة اليوم

بقلم حمادة الجندي

علشان بحبك يابلادي هكتب مواويل

وأقعد على الشط وأغني

آه يا عيني يا ليل

أحكي تاريخك لولادي

و أقول حضارة أجدادي

نسهر لحد الصبحية

على فيلم حلو و أغنية

نتمشى ساعة عصرية

على شط النيل

 

علشان بحبك

 

علشان بحبك يا بلادي هكتب مواويل

اقعد على الشط وأغني

آه يا عيني يا ليل

مصر اللي طول عمرها صامدة

ما حنيتش جبين

و اسأل عليها اللي عادوها طبعاً عارفين

مهما تمر بميت أزمة

مرفوعة الراس

حبيبتي أفديك بروحي

و دا يبقى قليل

علشان بحبك يا بلادي هكتب مواويل

وأقعد على الشط وأغني

آه يا عيني يا ليل

أنا الصعيدي الأسواني

أبو دم خفيف

و إسكندراني من بحري مضياف في الصيف

و سيناوي لو حد لمسها

مافي غير السيف

شرقاوي و كرمنا مغطي

مافي زيه مثيل

علشان بحبك يا بلادي هكتب مواويل

وأقعد على الشط وأغني

آه يا عيني يا ليل

أنا كوكب الشرق تغني و تلف بلاد

و نجيب يلعلع برواية

يحكي الأمجاد

صلاح و منسي الأسطورة يعقوب و زويل

ولادة يابلادي بطبعك

جيل بعد جيل

علشان بحبك يا بلادي هكتب مواويل

وأقعد على الشط وأغني

آه يا عيني يا ليل

أميرة عبد الصبور

اميرة عبد الصبور صحفية مصرية تعمل بقسم الاقتصاد ماجستير اقتصاد جامعة عين شمس ودبلوم اقتصاد وعلاقات دولية جامعة عين شمس

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى